الرئيسية » اجتماعيات » زميل العمل والسهوكه !!

زميل العمل والسهوكه !!

زميل العمل والسهوكه !!

بقلم : محمد حسن

انا عندي مشكلة كبيره و خليتني اشك فى نفسي و فى انوثتي في واحد زميلي علطول احسه يكلمني كأنى ولد زيه ويقولى  ياعم و يابرنس و كلام كدا و يقولي متزعلش نفسك يا معلم ، انا قلت بيهزر ممكن كاصحاب يعني فمكنتش بعلق اوي وبخدها بهزار بس بقى يتمادى وبقيت أضايق جداً فبقوله انت بتكلمني على اني ولد ليه قالي بعاملك باللي شايفه قدامى  !!

أنا متربية مع اولاد دايماً ومفيش عندي بنات في العيلة فبقوله يعني انت شايفني ولد

قالي اه انتي مش بتشوفي نفسك لما بتتخانقي كأنك هتطلعي مطوه و تضربي زي الولاد البنات لما بتتخانق بتتمسكن انتي زي الولاد

قلتله انا بتخانق و زعلانة من حد هتمسكن ازاي يعني انا بشتكي ومتضايقة

قالي معرفش بس هما البنات بيعملوا كدا ،

اتضايقت اووي انه شايفني دكر ومش شايف فيا بنت ، انا ايوا متربية مع ولاد وعلاقاتي بالولاد و احتكاكي بيهم اكتر بس مش زيهم ممكن كلمات باخدها منهم بقولهاله بس مش جه ف دماغي انه يفكر فيا كده

و اللي فهمته انه ميقصدش مسكنة يقصد سهوكة مياصة

بس انا عموما مش بعرف اعمل زى البنات المتسهوكه كدا بحب أكون طبيعتي مش امثل الرقة او اتصنعها او اعمل حاجة مش بتاعتي

كمان شايفني دبش ف كلامي مبعرفش اذوق الكلام او احوره بكذا طريقة بس دي شخصيتي واضحة و صادمة اللي ف نفسي بقوله مش باعرف اجيب حتة من هنا وحتة من هنا

هيا مرة واحدة وخلاص

مليش ف التحوير لدرجة انه شككني في نفسي

و اسال صاحباتي انتو شايفني مش بنت قالولي هو قصده زي مقلتلك مياصة و سهوكة عشان كل الولاد بيحبوا البنت كدا

كمان في حاجة مضايقاني مش عارفة اخرج منها انا مش مرتبطة كان في مشروع ارتباط بس فشل عشان محبيتوش لا هو ولا شخصيته

بس حاسة اني موقفة حياتي كلها على الارتباط و الحب

شغلي مش مهتمة بيه و لا راضية عن اللي بعمله ولا اي حاجة مع ان عقلي الباطن بيقولي امشي في الدنيا و حققي نفسك و نصيبك هيجيلك ومتوقفيش حياتك على حد بس مش عايزة ولا عارفة اقنع نفسي بدا زي مكون من غير ولد يهتم بيا و يزقني و يحمسني مش هعرف اتحرك و بجد انا متضايقةو من كدا جدااااااا ومش عرفه اعمل ايه

 

لكاتبة هذه الرساله أقول

الخطأ يقع عليكى لأنك سمحتى لزميلك بتعدى حدوده فى الهزار إذا كان ده أسمه هزار أصلا

فهو ليس له الحق الحكم عليكى أو على تصرفاتك وليس من الذوق والليقاه أن حد يقول على بنت أنها ولد

أما حركات السهوكه ودلع البنات للأسف فى ناس بتصدقها بس لفتره ولن يدوم الأ الإنسان اللى على طبيعته

وأنوثتك لن تظهر ألا مع شاب تشعرين برجولته وبالأمان تجاهه  وليس هذا الشاب المتمادى فى تصرفاته اللاأخلاقيه التى تشعرك بالأرتباك

عزيزتى لاتشغلى بالك بأحكام الناس فهى تمثلهم ولا تمثلك أطلاقاً .

للتواصل مع الكاتب mada201433@yahoo.com

 

Comments

comments